Polumbarët nxorën të vdekur gruan te Liqeni i Thatë, reagon Policia: Morëm një telefonatë, 45-vjeçarja…
Një ngjarje e rëndë është regjistruar mëngjesin e sotëm në zonën e Liqenit tëThatë në Tiranë, ku një grua rreth 45 vjeçe dyshohet se është mbytur.
Sipas informacionit paraprak të Policisë së Tiranës, rreth orës 07:10, shërbimet e Stacionit të Policisë Farkë janë njoftuar se dyshohej se një shtetase ishte vetëhedhur në liqen.
Menjëherë pas marrjes së njoftimit janë angazhuar polumbarët e RENEA-s, të cilët nisën kërkimet në ujërat e liqenit. Rreth orës 09:00, ata bënë të mundur gjetjen e trupit të pajetë të shtetases me inicialet M. T., rreth 45 vjeçe.
Në vendngjarje ka mbërritur grupi hetimor, i cili po punon për zbardhjen e plotë të rrethanave dhe dokumentimin ligjor të rastit.