Bufon vlerëson Spaletin: I ka dhënë Juves fytyrën e duhur

Për ish-kapitenin, identiteti i dhënë nga trajneri është i qartë dhe gara për Scudetto, pavarësisht Interit, nuk ka mbaruar ende. Një gjë e mirë edhe për ekipin kombëtar. Ndikimi i Luçiano Spaletit te Juventusi është tashmë i dukshëm.

Sipas Xhixhi Bufon, tre ndeshje ishin të mjaftueshme për të përcaktuar identitetin e ekipit. Në një intervistë me “La Stampa”, ish-kapiteni i Juventusit, tani kreu i delegacionit të ekipit kombëtar, analizoi progresin e klubit, duke vlerësuar punën e trajnerit toskan. Për Bufon, puna e Spaletit sjell përfitime që shtrihen përtej klubit.

“Pas vetëm tre ndeshjeve, mund të shihni identitetin që Juve ka fituar. Kjo është gjithashtu e mirë për futbollin italian. Ne në ekipin kombëtar mund të mbështetemi në armë më të mprehta”. Diskutimi më pas u zhvendos në garën për titull. Pavarësisht ritmit të Interit, i përshkruar si prodhues “gjërash të mahnitshme”, gara për “Scudetto” mbetet e hapur.

“Kampionati nuk ka mbaruar plotësisht”, deklaroi Bufon. Ish-portieri identifikoi një ndryshore specifike që mund të ndryshonte rezultatin. “Milani dhe Napoli nuk e kanë Ligën e Kampionëve dhe kjo mund të ndryshojë ekuilibrin e fuqisë”. Një pohim i vërtetë ky i Bufon, i cilikaparasush faktin që një sezon më parë Napoli trimfoi pasi nuk ish në Europë, apo Inter që humbi në metrat e fundit tri finale si pasojë e lodhjes.