“Opozita proteston ndaj qeverisë Rama”/ Televizioni belg: Trazira të vazhdueshme politike në Shqipëri!

Televizoni belg 7sur7 i ka bërë jehonë tubimit të opozitës. 7sur7 shkruan se demonstrata e së dielës është pjesë e një sërë protestash që e kanë tronditur Shqipërinë prej disa muajsh.

Në artikull përmenden edhe sulmet e policisë ndaj protestuesve, të cilët përdorën gaz lotsjellës dhe ujë me piper për të shpërndarë qytetarët gjatë tubimit. 7sur7 thekson gjithashtu se kjo paqëndrueshmëri politike vjen ndërsa Shqipëria ndjek procesin e saj të pranimit në Bashkimin Evropian, ndërkohë që përballet edhe me sfida rajonale.

Të dielën, mijëra protestues antiqeveritarë marshuan nëpër rrugët e kryeqytetit të Shqipërisë, duke kërkuar dorëheqjen e kryeministrit Edi Rama dhe qeverisë së tij të krahut të majtë mes akuzave për korrupsion. Tubimi, i organizuar nga Partia Demokratike (partia kryesore e opozitës), degjeneroi në përleshje me forcat e sigurisë.

Të mbledhur përpara rezidencës së Kryeministrit, protestuesit hodhën kokteje Molotov drejt ndërtesave qeveritare dhe automjeteve të policisë, duke shkaktuar një reagim të fortë nga autoritetet. Policia përdori gaz lotsjellës dhe topa uji për të shpërndarë turmën. Qindra oficerë u vendosën në të gjithë qytetin dhe rrugë të shumta u mbyllën nga trafikun ndërsa tensionet u rritën në qendër të qytetit.

Trazira të vazhdueshme politike

Demonstrata e së dielës është pjesë e një sërë protestash që e kanë tronditur Shqipërinë prej disa muajsh. Partitë opozitare janë zotuar të vazhdojnë fushatën e tyre kundër asaj që e quajnë “korrupsion qeveritar”, duke vazhduar presionin mbi administratën Rama pavarësisht thirrjeve të përsëritura për dialog.

Kjo paqëndrueshmëri politike vjen ndërsa Shqipëria ndjek procesin e saj të pranimit në Bashkimin Evropian, ndërkohë që përballet edhe me sfida rajonale. Me grupet e opozitës që nuk tregojnë shenja tërheqjeje dhe qeverinë që hedh poshtë çdo ide për dorëheqje, Shqipëria duket se po shkon drejt një periudhe trazirash të zgjatura.

Komuniteti ndërkombëtar po e monitoron nga afër situatën, ndërsa ky komb mesdhetar përpiqet të ruajë stabilitetin mes përçarjeve të brendshme në rritje.