PD mban protestën e tretë kombëtare para Kryeministrisë

Partia Demokratike dhe aleatët e saj zhvilluan sot protestën e tretë kombëtare në bulevardin “Dëshmorët e Kombit”, përballë godinës së Kryeministrisë.

Një pjesë e protestuesve u grumbullua fillimisht pranë selisë së Partisë Demokratike, nga ku, së bashku me kryetarin Sali Berisha dhe drejtues të tjerë të PD-së, marshuan drejt bulevardit për t’iu bashkuar protestës.

Në podiumin e ngritur përpara Kryeministrisë, pas këndimit të himnit kombëtar, eksponentë të Partisë Demokratike mbajtën fjalime para qytetarëve të pranishëm, duke shpalosur qëndrimet e tyre politike dhe kërkesat e protestës.