Ngarkesa në rrjet/ Saranda ‘zhytet’ në errësirë në mes të sezonit turistik, energjia elektrike mungon në të gjithë qytetin

Qyteti i Sarandës që prej orës 21:30 mbrëmjen e sotme është ‘zhytur’ në errësirë.

Në gjithë shëtitoren kryesore të qytetit, si dhe në bizneset rrotull, mungon energjia elektrike.

Burime nga Operatori i Shpërndarjes së Energjisë Elektrike (OSHEE) bëjnë me dije se shkak i ndërprerjes së energjisë elektrike ka qenë ngarkesa e madhe në rrjet, ç’ka ka çuar në rënien e një prej tre fidrave të linjës.

Mungesa e energjisë elektrike vjen në një kohë që Saranda është e mbipopulluar nga turistët, ç’ka mund të shkaktojë edhe pakënaqësi te vizitorët.