Të shtëna në një kantier ndërtimi në Tiranë, një i plagosur

Të shtëna me armë zjarri janë regjistruar në një kantier ndërtimi në Tiranë, duke shkaktuar plagosjen e një personi. Sipas informacioneve paraprake, i dëmtuari është transportuar për ndihmë mjekësore dhe ndodhet jashtë rrezikut për jetën.

Policia ka nisur hetimet për të zbardhur rrethanat dhe shkaqet e ngjarjes, ndërsa grupi hetimor po punon për mbledhjen e provave dhe dokumentimin e plotë të incidentit.

Ndërkohë, uniformat blu kanë bërë të mundur identifikimin e autorit të dyshuar dhe po vijojnë kontrollet për lokalizimin dhe kapjen e tij. Hetimet vijojnë për të përcaktuar motivin dhe rrethanat e plota të të shtënave.