FSHF ndëshkon me gjoba Vllazninë, Skënderbeun dhe Flamurtarin, ja arsyet e vendimeve të Disiplinës
Komisioni i Disiplinës dhe Etikës pranë Federatës Shqiptare të Futbollit ka publikuar vendimet e fundit, duke vendosur masa disiplinore ndaj disa klubeve të futbollit shqiptar, mes tyre Vllaznia, Skënderbeu dhe Flamurtari.
Sipas vendimeve të publikuara, Vllaznia është ndëshkuar me 100 mijë lekë gjobë për vendosjen e një banderole pa lejen e zyrtarëve të ndeshjes dhe përdorimin e koreve fyese nga tifozët.
Ndërkohë, Flamurtari është gjobitur me 100 mijë lekë, por në zbatim të rregullores gjoba aplikohet në masën 50%, për shkak të hedhjes së sendeve në fushën e lojës dhe rrezikimit të sigurisë së zyrtarëve dhe futbollistëve kundërshtarë.
Edhe klube të tjera janë përfshirë në listën e masave disiplinore, ndërsa FSHF vijon të kërkojë respektimin e rregullave dhe garantimin e sigurisë gjatë zhvillimit të ndeshjeve.
Vendimet synojnë të mbajnë përgjegjëse klubet për sjelljen e tifozëve dhe respektimin e rregullave në stadiume.


