Mposhti Torinon në shifrat 2-1, Interi kualifikohet në gjysmëfinale të kupës së Italisë

Çerekfinalja e kupës së Italisë e luajtur të mërkurën mes Interit dhe Torinos nuk prodhoi surpriza me zikaltrit që avancuan pa vështirësi në fazën tjetër. Ekipi i Chivu në bazë të shortit do të presë fituesin e ciftit Napoli-Como, duel që luhet të martën e 10 shkurtit.

Zikaltrit bënë rotacion në kupë, duke lënë disa titullarë pushim, por sërish nuk hasën vështirës, ndërsa gjetën avantazhin në minutën e 35-të me Bonny. Me nisjen e pjesës së dytë erdhi dhe goli i sigurisë nga Diouf.

Torino rihapi llogaritë me Kulenovic, por pa mundur të arrijë diçka më tepër. 2-1 dhe Inter kalon në gjysmëfinale, ku do ti duhen disa ditë që të njohë kundërshtarin. Mbrëmjen e kësaj të enjte luhet përballja tjetër çerekfinale, ajo mes Atalantës dhe Juventusit. Bardhezinjtë janë rekordmenët e këtij kompeticioni me 15 trofe, si askush tjetër dhe do të kërkojnë të shkojnë drejt suksesit të 16-të. Në letër diferencat janë të vogla, por torinezët disi më të avntazhuar.

Shqetësimi i vetëm për Spalletin është Yildiz, me turkun që është në dyshim për këtë duel. Në 5 ballafaqimet e fundit mes tyre në kupë e kampionat janë 3 barazime dhe nga një fitore secila.