Ilir Beqaj kërkon sërish lirinë me para, shfrytëzon vendimin unifikues të GJL për masat
Ish-zyrtarët e lartë socialist të cilët ndodhen në burg për korrupsion kanë nisur menjëherë që të përdorin vendimin e Gjykatës së Lartë që synon reduktimin e paraburgimit.
Pikërisht këtë argument ka përdorur mbrojtja e ish-ministrit të Shëndetësisë, Ilir Beqaj, për të kërkuar ndryshim të masës së sigurisë për dosjen e SASPAK. Megjithatë Gjyqtarja e çështjes shtyu seancën me kërkesë të prokurores që kërkoi më tepër kohë për tu përgatitur
Vendimi unifikues i Gjykatës së Lartë që synon reduktimin e paraburgimit ka filluar të përdoret menjëherë nga ish-zyrtarët e lartë të Partisë Socialiste të cilët ndodhen pas hekurave nën akuzat për korrupsion. Ish-ministri i Shëndetësisë Ilir Beqaj kërkoi zëvendësimin e masës së sigurisë arrest në burg në një masë më lehtë si arrest shtëpie, detyrim paraqitje ose garanci pasurore në vlerën e 2 milion lekëve për dosjen e SPAK.
Vendimi kolegjeve të bashkuara të Gjykatës së Lartë për paraburgimin, është shfrytëzuar nga mbrojtja e tij si një mga argumentet ku bazon kërkesën. Gjyqtarja Elsa Ulliri shtyu seancën me kërkesë të prokurores Elida Kaçkini ku tha se i duhet kohë për tu përgatitur për prapësimet e saj pas kërkesës së mbrojtjes dhe seanca e radhës u caktua më datën 20 maj në orën 09:30.
Beqaj mbahet në qeli prej korrikut 2024 për dosjen Saspak të abuzimit me donacionet e huaja ndërsa për dosjen e sterilizimit po gjykohet pa masë sigurie.
Ish-drejtori i kësaj agjencie akuzohet për “Korrupsion pasiv kryer në bashkëpunim (2 herë), “Shkelja e barazisë në kryer në bashkëpunim, në 8 raste; “Falsifikim i dokumentave”, kryer në bashkëpunim 9 herë; “Mashtrim” kryer në bashkëpunim me pasoja të rënda, 2 herë; “Mashtrim” kryer në bashkëpunim”, e kryer 3 herë, “Fshehje pasurie ose deklarim i rremë i saj” kryer 3 herë.
Dosja e SASPAK ndodhet ende në seancë paraprake dhe nuk është vendosur mbi kërkesën e Prokurorisë për kalimin në gjykim të çështjes ndërsa avokatët kanë kërkuar gjykim të shkurtuar.