Pesë muaj në qiell të hapur/ Rrëshqitjet e tokës në Spathar të Librazhdit, banorët ende pa një zgjidhje për banesat

5 muaj pas rrëshqitjeve masive të tokës në fshatin Spathar të Librazhdit, banorët e dëmtuar ende gjenden në qiell të hapur.

7 banesa u shpallën të pabanueshme, por pa asnjë zgjidhje tjetër, banorët jetojnë aty çdo ditë me frikën e shembjes.

Teksa i tremben dimrit dhe shirave që do të vijnë, banorët e Spatharit enden me dokumente në duar dyerve të institucioneve pa marrë një zgjidhje.

Rrëshqitjet masive përfshinë një sipërfaqe të madhe toke në fshatin Spathar të Librazhdit në mes të muajit Janar.  Prej atëherë, pavarësisht rrezikshmërisë që zona ende paraqet nuk është marrë asnjë masë për zhvendosjen e banorëve.