Dita e Pavarësisë së SHBA-së/ Rama: Festë e veçantë edhe për shqiptarët!

Kryeministri Edi Rama ka përcjellë një mesazh urimi me rastin e 4 Korrikut, Ditës së Pavarësisë së Shteteve të Bashkuara të Amerikës.

Përmes një postimi në Facebook, kreu i qeverisë e cilësoi 4 Korrikun si një festë të veçantë edhe për shqiptarët, duke theksuar simbolikën e Statujës së Lirisë dhe lidhjen historike mes dy vendeve.

Postimi i Ramës:

MIRËMËNGJES, dhe me 4 Korrikun e Amerikës, nën hijen madhështore të Statujës së Lirisë, që është edhe një festë e veçantë për shqiptarët, pavarësisht erërave kundër që historikisht kanë dashur ta zbehin energjinë e bukur të këtij vendi, ju uroj një fundjavë të mbarë.