Aktualitet

Makina përplaset me motorin në aksin Tiranë-Durrës, një i plagosur

Një aksident rrugor është regjistruar mëngjesin e kësaj të premteje, rreth orës 07:00, në aksin Tiranë-Durrës, ku një automjet është përplasur me një motomjet.

Si pasojë e përplasjes, ka mbetur i plagosur drejtuesi i motorit, shtetasi R. F., i cili është transportuar në spital dhe ndodhet nën kujdesin e mjekëve.

Sipas njoftimit paraprak të Policisë, automjeti drejtohej nga shtetasi E. K., i cili pas aksidentit është shoqëruar në Komisariat për veprime të mëtejshme.

Ndërkohë, grupi hetimor po punon për zbardhjen e plotë të rrethanave dhe shkaqeve të aksidentit.