Prokuroria lëshon 14 urdhër-arreste për zyrtarë të Kadastrës së Dibrës

Një operacion i Prokurorisë pranë Gjykatës së Shkallës së Parë të Juridiksionit të Përgjithshëm Dibër ka çuar në ekzekutimin e 14 masave të sigurisë, në kuadër të një hetimi mbi tjetërsimin e pronave dhe falsifikimin e dokumenteve zyrtare në Agjencinë Shtetërore të Kadastrës, Dibër.

Mes personave ndaj të cilëve është vendosur masa e sigurisë “arrest në burg”, mësohet se është edhe Daniel Gjurraj. Gjurraj, një figurë e njohur në qarkun e Dibrës, ka qenë kandidat për deputet në Partinë Socialiste.