Spanja konfirmon veten si pretendent, mund Austrinë me tre gola dhe avancon më tej në Botëror

July 2, 2026 Voice of Tirana

Spanja ka arritur një fitore tepër të rëndësishme në Los Angeles përballë Austrisë me rezultatin 3-0 në raundin e 1/16-ave të Botërorit, teksa avancon më tej në turneun më të rëndësishëm në futbollit.

Takimi i luajtur në “SoFi Stadium” nisi me ritëm të lartë nga të besuarit e De La Fuentes, të cilët kaluan në avantazh në minutën e 36’ me anë të Oyarzabal, i cili finalizoi në mënyrën e duhur një asist të Cucurellës.

“La Rojat” e menaxhuan mirë pjesën e dytë, teksa goli i sigurisë erdhi në minutën e 66’ nga Pedro Porro me kokë.

Por festa nuk mbaroi këtu, pasi në fund, ishte sërish Oyarzabal, që për të dytën herë nga një asist i Cucurellës, shënoi edhe golin e tretë për kampionët e Europë në fuqi.

Kështu Spanja avancon më tej në fazën e 1/8-ave, aty ku do të ndeshet me fituesin e Portugali-Kroaci, ndërsa Austria i jep këtu fund ëndrrës në Botëror.

REZULTATI:

Spanjë 3-0 Austri

Oyarzabal 36′, 89′, Porro 66′

NGJARJET KRYESORE

90+6′ Mbyllet sfida me fitoren 3-0 të Spanjës!

89′ Goool Spanja 3-0/ Cucurella hedh një top në zonë dhe Oyarzabal është në vendin dhe kohën e duhur për ta çuar drejt rrjetës. (Video)

66′ Goool Spanja 2-0/ Pas një krosimi në zonë, Pedro Porro godet me kokë dhe e çon topin në rrjetë. (Video)

46′ Nis pjesa e dytë!

45+5′ Mbyllet pjesa e parë!

45+2′ Baena provon me një gjuajtje nga goditja e dënimit, por topi përplaset në traversë. Më pas tenton Yamal, por Schlager arrin ta ndalë.

36′ Goool Spanja 1-0/ Cucurella hedh një top në zonë për Oyarzabal, i cili me të majtën tund rrjetën. (Video)

28′ Cucurella tund rrjetën, por gjyqtari akordon një faull ndaj portierit.