Porto kërkon të thyejë traditën ndaj Napolit, italianët kanë avantazhin në përballjet direkte
Një sfidë me shumë histori dhe emocione pritet të zhvillohet në Ligën e Kampionëve, ku Porto pret Napolin në stadiumin “Estádio do Dragão”. Skuadra portugeze synon të marrë një rezultat pozitiv përballë italianëve, të cilët kanë një avantazh të lehtë në historikun e përballjeve direkte.
Dy skuadrat janë përballur deri më tani katër herë në kompeticionet europiane. Bilanci flet në favor të Napolit, që ka regjistruar dy fitore, kundrejt një triumfi të Portos, ndërsa një ndeshje është mbyllur në barazim.
Përballjet e para datojnë në sezonin 1974-1975, në Kupën UEFA, ku Napoli fitoi të dyja takimet me rezultatin 1-0. Ndërkohë, në sezonin 2013-2014, ekipet u përballën sërish në Europa League. Këtë herë ishte Porto që triumfoi në përballjen me dy ndeshje, duke fituar 1-0 në Portugali dhe barazuar 2-2 në Itali.
Kështu, edhe pse Napoli kryeson në numrin e fitoreve, të dyja skuadrat kanë arritur nga një kualifikim në eliminatoret europiane.
Porto do të kërkojë të shfrytëzojë faktorin fushë për të ndryshuar bilancin historik, ndërsa Napoli synon të vazhdojë traditën pozitive ndaj kundërshtarit portugez.
Një tjetër statistikë interesante është se Porto nuk ka fituar në gjashtë ndeshjet e fundit europiane kundër skuadrave italiane, duke regjistruar tre barazime dhe tri humbje.
Nga ana tjetër, Napoli vjen me synimin për të përmirësuar rezultatet në transfertat europiane dhe për të marrë pikë të rëndësishme në këtë fazë të Ligës së Kampionëve.
Përballja në “Dragão” pritet të jetë një provë e rëndësishme për të dyja skuadrat, me Porton që kërkon të përmbysë statistikat dhe Napolin që synon të ruajë epërsinë historike.
