8 Faktorët e rrezikut për zhvillimin e aritmisë

Çfarë lloje të aritmisë ekzistojnë , kur ndodhin dhe kur duhet  të konsultoheni me një mjek ?

Çdo ritëm zemre që është i ndryshëm nga normal është klasifikuar nga mjekët si aritmi.

Aritmitë kardiake mund të ndodhin tek njerëz plotësisht të shëndetshëm dhe mund të jenë të padëmshme, por në disa raste ato gjithashtu mund të jenë shenjë e një gjendje shqetësuese.

Ndjesia mund të karakterizohet me një rrahje zemre , kur ajo i mungon një ritëm apo e kundërta – kur ajo shton një ritëm . Ju mund të keni ndjerë diçka si një vibrim në gjoksin tuaj në disa raste ose zemra juaj duke rrahur shumë ngadalë ose shumë shpejt. Këto janë vetëm disa nga mundësitë. Ndonjëherë, megjithatë, ju mund të mos ndjeni asgjë dhe të zbuloni se keni një aritmi asimptomatike.

Llojet e aritmisë

Me pak fjalë, aritmia është një gjendje në të cilën zemra nuk punon me ritmin dhe frekuencën e duhur. Në varësi të rrahjeve të zemrës, aritmia është e ndarë në:

• takikardi ( zemra rreh më shpejt se normalisht )
• bradikardi ( zemra rreh më ngadalë se normalisht )
• kontraktimet e parakohshme të zemrës ( me fillimin e hershëm )
• dridhje e të zemrës ( me parregullsi të ritmit )

Shenjat alarmuese janë :

• dhimbje gjoksi
• dobësi
• marramendje
• lodhje e rëndë

Ndër aritmitë më të rrezikshme janë fibrilacioni dhe lëkundja e ventrikulit. Edhe fibrilacioni atrial, shpesh i konsideruar një aritmi më pak e rëndë, mund të shkaktojë një atak kardiak të rëndë. Fibrilacioni atrial është forma më e zakonshme e aritmisë. Në Shtetet e Bashkuara prek rreth 6-12 milion njerëz, dhe në Evropë – rreth 17.9 milion njerëz dhe, për fat të keq, këto shifra janë vazhdimisht në rritje.

Cilat janë të  faktorët e rrezikut për zhvillimin e aritmisë ?

Problemet shoqëruese të zemrës

Sëmundja koronare e zemrës është një nga faktorët kryesorë të rrezikut për zhvillimin e aritmisë. Arteriet koronare janë enë gjaku që rrethojnë zemrën dhe sjellin gjak të pasur me oksigjen në muskulin e zemrës. Gjaku është i nevojshëm për përçimin e duhur elektrik në zemër, dhe për këtë arsye çdo përfshirje e këtyre enëve rrezikon të zhvillojë një aritmi. Një faktor tjetër rreziku është sëmundja valvulare e zemrës . Depozitat në valvulat e zemrës mund të përfshijnë gjithashtu murin e zemrës midis barkusheve – 2 dhomat e mëdha të pompimit. Pulsi i rregullt, në rastin më të mirë, bëhet i vështirë pa përdorim të pakufizuar të valvulave. Infarktii zemrës ndodh kur muskujt e zemrës nuk janë në gjendje të pompojnë gjak në mënyrë efikase dhe të vazhdueshme, duke çuar në akumulimin e lëngjeve të tepërta në mushkëri dhe këmbë. Sëmundje dhe gjendje të tjera të zemrës, të tilla si mikro infarktet dhe operacionet e mëparshme kardiake, defekte të lindura të zemrës dhe sëmundje të tjera kanë një rrezik të lartë të zhvillimit të pothuajse çdo lloj aritmie.

Hipotiroidizmi dhe hipertiroidizmi

Zemra reagon menjëherë për çdo mos funksionim të tiroides. Nivelet e larta të hormoneve të tiroides përshpejtojë metabolizmin, ka mundësi të ndohin dhimbje gjoksi dhe palpitacione. Kjo bën që zemra të rrahë më shpejt , presioni i gjakut të rritet dhe të ndodhin aritmi kardiake. Aktiviteti i ulet i gjëndrës së tiroide ngadalëson metabolizmin . Në këtë rast, në veprim të kundërt, zemra fillon të rrahë shumë ngadalë ose në mënyrë të pabarabartë, shfaqen rrahje të avashta ose mungon ndonjë rrahje.

Marrja e disa ilaçeve

Disa ilaçe pa recetë , më së shpeshti për kollën dhe ftohjet , dhe disa ilaçe me recetë mund të kontribuojnë në aritmi.

Presioni i lartë i gjakut

Presioni i lartë i gjakut mund të çojë në hipertrofi – një rritje e madhësisë të barkushes së majtë të zemrës . Kjo mund të ndikojë në përçimin e rrahjeve tëzemrës përmes qelizave të zemres dhe mund të çojë në aritmi.

Diabeti

Diabeti rrit edhe rrezikun e zhvillimit të sëmundjeve koronare të zemrës dhe presionit të lartë të gjakut, i cili , siç u përmend më sipër, është një faktor rreziku për zhvillimin e aritmisë.

Imbalanca e elektroliteve

Elektrolitet e gjakut ( sodium, kaliumi , kalciumi dhe magnezi) janë baza e mekanizmit  për kryerjen e  impulseve elektrike të zemrës . Ndryshimet në nivelet e lelektrolikeve ne gjak mund të ndikojë rrahjet e zemrës, duke çuar në aritmi.

Magnezi dhe kaliumi janë elektrolitet kryesore në qeliza. Aritmi të rënda kardiake mund të ndodhin kur ka përqëndrime të ulëta të këtyre elektroliteve.

Kalciumi është minerali me sasi më të larta në trupin tonë . Shumë procese brenda qelizore varen nga kalciumi, të tilla si reagimet enzimatike,tkurrje e muskujve, kontraktimi i zemres.  grumbullimi i trombociteve, dhe shumë procese të tjera. Kalciumi është thelbësor për forcën e kockave dhe funksionin neuromuskular . Gjysma e kalciumit eshte e lidhur te albumina; gjysma tjetër është në një formë biologjikisht aktive të jonizuar . Edhe ndryshimet e vogla në përqëndrimin e kalciumit kanë një efekt në trupin tonë. Për shembull , kur nivelet janë rritur, ndodhin aritmi , të cilat janë për shkak të një ndryshimi në tkurrjen e muskujve të zemrës.

Alkooli

Alkooli ndikon në kryerjen e impulseve elektrike të zemrës. Kjo ndikon në punën e saj, sepse ajo nuk mund të tkurret siç duhet dhe me ritëm. Përveç kësaj, produktet e alkoolit të tretura prishin metabolizmin e yndyrave , karbohidrateve dhe proteinave . Zemra nuk merr të gjitha substancat e nevojshme duke çuar ne takikardi.

Përdorimi i drogës, shumë kafeinë , pirja e duhanit

Kafeina , nikotina dhe stimulues të tjerë mund të bëjnë që zemra të rrahë më shpejt se zakonisht. Përdorimi i grogave të tilla si amfetamina dhe kokaina mund  të ndikojë nëfunksionin e zemrës, që çon në aritmi, edhe vdekje të papritur për shkak të fibrilacionit ventrikular.

Shumica e këtyre faktorëve të rrezikut mund të shmanget ,gjë që  është e lidhur me parandalimin e aritmisë. është e rëndësishme të mos injorohen simptomat e aritmisë, por të monitorohen ato me kujdes dhe të konsultoheni me një kardiolog në qoftë se ju keni ndonjë pyetje.

Kur të vizitoni një mjek ?

Aritmitë mund t’ju bëjnë të ndieni rrahje zemre të parakohshme ose zemra juaj të rrahë shpejt ose të rrahë shumë ngadalë . Të tjera shenja dhe simptoma mund të jenë të lidhura  me faktin se zemra po nuk pomponnë mënyrë efikase për shkak të një pulsi të shpejtë apo të ngadaltë. Këto përfshijnë gulçim, dobësi, marrje mendsh, të fikët, kriza dhe dhimbje ose shqetësime në gjoks. Kërkoni kujdes mjekësor urgjent nëse përjetoni ndonjë nga këto shenja dhe simptoma papritmas ose shpesh në një kohë kur nuk prisni t’i ndjeni ato.

Diagnostikimi

Për të diagnostikuar aritminë, mjekët përdorin llojet e testeve dhe metodat e mëposhtme :

1. EKG – elektrokardiograma regjistron të dhënat e veprimtarisë elektrike të zemrës. Kjo është një provë e shpejtë dhe pa dhimbje që përdor elektroda të vendosura në gjoks, krahë dhe këmbë.
2. Holter – Në përgjithësi , Holter është një EKG portative. Gjithashtu e quajtur një “elektrokardiogramë ambulatore”, kjo është një pajisje që ju përdorni për 2 ditë deri në 2 javë , në varësi të gjykimit të mjekut tuaj. Holter merr në konsideratë edhe lëvizjen elektrike të valëve që kalojnë nëpër zemër. Këto janë të njëjtat valët që ” i tregojnë ” zemrës të kontraktohet dhe të pompojë gjak .
3. Test i Stresit – Ka teste të ndryshme, por qëllimi i tyre është i njëjtë – për të kontrolluar se sa stres mund të mbajë zemra para se të shfaqet një problem me me rrahjet e zemrës apo qarkullimin e gjakut. Testi më i zakonshëm është ai me një pistë vrapi apo bicikletë në kombinim me EKG dhe matje të presionit të gjakut.
4. Ekokardiograma – Ky test përdor ultratinguj për të kontrolluar gjendjen e muskujve të zemrës dhe valvulave.

Ka teste të tjera të specializuara që mund t’jua rekomandojë mjeku juaj.
Këto përfshijnë: Kateter kardiak, ekzaminim elektrofiziologjik, dhe disa ekzaminime neurologjike.

Parandalimi

Është e rëndësishme të theksojmë se aritmia nuk parandalohet gjithmonë, sepse në qoftë se ju nuk  keni simptoma, ju mund të mos e dini që vuani nga kjo gjendje. Vizitat e rregullta te mjeku juaj i familjes mund t’ju mbrojnë jo vetëm nga kjo , por edhe nga shumica e problemeve të zemrës . Për shkak se disa medikamente dhe suplemente mund të shkaktojnë aritmi, sigurohuni që mjeku juaj është në dijeni për te gjitha medikamentet që po merrni.

Mjeku juaj mund t’ju rekomandojë që të ndryshoni stilit tuaj të jetesës në diçka më të shëndetshme me bazë tek dieta ushqimore. Një dietë e shëndetshme është një parandalim i mirë jo vetëm për aritminë , por edhe për problemet me kolesterolin , presionin e lartë të gjakut, etj.. Zakonet e dëmshme dhe stresi dalin gjithashtu në pah kur flasim për probleme të zemrës.